plus la contenance d’environ trente ou quarante cesterées de terre labourable et la solle de quinse charrettées de foing, ou environ. — Que ce confine, le tout uny et joignant ensemble, que ce confine jouxte les terres de la Chau d’une part, le chemin tandant de Brioude à Blesle d’autre, le chemin du Bos-Bomparant à Lende, d’autre, et le chemin tandant d’Espalem à Brioude, d’autre partie. — Contenant tout le d. domaine le labourage d’entour deux paires de beuf.
Laquelle nommée et dénombrement le d. sieur de Chabanes baille, suivant la jouissance qu’il faict d’icelluy, et que les devantiers ont faict, desquels il a droict et cause — le tout mouvant du fiefz de lad. dame à cause de lad. seigneurie de Blesle, membre dépendant dud. duché de Mercueur : — par protestation d’aulmenter (sic) : sy plus en y a, ou diminuer, si besoing est, et de ne fere faulx adveu. Toute lad. maison et domaine tenus, par luy, en toute justice : haulte, moyenne et basse, tout ainsi, et suivant les nommées faictes par ces prédécesseurs et devantiers ; esquelles ce remet. À tel et semblable fiefz et dénombrement offre fere à la d. dame, duchesse de Mercueur ou à ses successeurs, quand de ce sera sommé et requis par sa Grandeur.
Car ainsy l’a volu, promis, et juré aux saincts Evangiles de Dieu tenir et entendre, soubs l’ypotèque de touts et chascuns ses biens, présants et advenir et promis au contraire ne venir, sur peine de payer toutz despens, domaiges et intéretz ; et a renoncé à toutes exceptions et deffences contraires ; et volu estre contraint par toutes voyes deues et raisonnables.
Faict et passé à Brioude, boutique du notaire soubssigné, ès présences de Me Jean Touchebeuf, nre practicien ; et Pierre Martinon, clere du d. Brioude, que ont signé, avec led. sieur de Chabanes, le vingt neufviesme jour de décembre mil six centz et sept, apprès midi.
Chaudon.
(Acte communiqué par M. Lachenal, receveur particulier des finances à Brioude.)
