ne souffrir leur estre faict, mis ou donné aucun trouble, destourbier ou empeschement au contraire ; lesquels si faictz ou donnez leur estoient, les mettent ou réparent, ou facent remettre et réparer incontinant et sans dclay au premier estat et deu. Car tel est nostre plaisir, nonobstant quelzconques ordonnances, restrinctions, mandementz, déffences et lectres à ce contraires. Et affin que ce soit chose ferme et stable à tousjours nous avons faict mettre nostre scel à ces dictes présentes, sauf en autres choses nostre droict et l’autruy. Donné à Paris, au mois d’octobre, l’an de grace mil six cens deux et de nostre règne le quatorziesme. »
Sur le repli : « Par le roy à vostre relation, Bonnet. Visa contentor. »
« Jehan de Chaste, seigneur de Sainct Just, gentilhomme ordinaire de la chambre du roy, seneschal du Puy, Vellay et ressortz, à l’huissier de nostre court ou premier sergent requis, salut. Savoyr faisons que veu les lettres patentes du roy en forme de chartre obtenues par les habitans du bourg de Monestier en ceste seneschaucée du Puy et pays de Vellay contenant concession de quatre foires aux quatre festes sainct Jean de l’année, données à Paris au moys d’octobre dernier, signées sur le reply par le roy, à vostre relation Bonnet, et à cousté visa contentor, cellées de cire verte du grand scel de la chancelerye de France sur lacs de soye verte et rouge pandantz, conclusions du procureur du roy inarées (?) en la dicte faicte sur la présantation desdictes lettres, le tout rapporté au conseilh, suyvant l’advis et deslibération d’icelluy, nous avons ordonné et ordonnons que les dictes lettres patentes seront registrées en actes ès registres de ceste court, pour par les dicts impétrans jouyr du proffict d’icelles, saulf que attendu la célébrité des festes sainct Jean des vingt quatrièsme juing et vingt septièsme décembre les foires ordonnées ausdicts jours par les dictes lettres patentes seront transfferées et remises au lendemain, lesquelles lettres seront publiées au lieu de Monestier et autres lieux où besoing sera avec nostre présant ordonnance, Bertrand, juge mage,
