Page:Société agricole et scientifique de la Haute-Loire - Mémoires et procès-verbaux, 1879-1880, Tome 2.djvu/211

208

mémoires

qu’au mois de juin dernier, n’est mémoratif du jour, ayant été commandé par la marquise d’Alègre d’aller au devant de la compagnie du sieur de Lamesan, cappitaine au régiment des gardes de Sa Majesté, qui conduisoit la recreue de sa dicte compagnie, et passoit dans le pays aux environs d’Alègre, et luy portoit une lettre de la part de ladicte dame Marquise pour exempter ses terres, il rencontra ledict sieur de Lamesan ou du Massé, ne sait aultrement dire son nom ne l’ayant jamais ouy nommer qu’aux soldats de sa compagnie, lesquels estoient pour la pluspart gascons et dont l’on n’entendait facilement le langage, lequel luy demanda le chemin pour aller à la Chaise-Dieu ; et luy depposant s’offrit de l’accompagner jusques audict lieu, comme il fist. En estant arrivé aux fauxbourgs de Baniche, se seroit retiré dans son hostellerie, chez le nommé Pont blanc, et ne sait ce que se passa dans ladite ville, sinon qu’il a ouy dire, par commun bruit dans le pays, que ledict cappitaine fut justement se loger dans ladicte ville, disant et faisant son ordre ainsi qu’il avait dict a luy depposant lorsqu’il le rencontra, et le fit voir aux consuls et habitants de ladicte ville, et que les bailly, consuls et habitants d’icelle ville luy ayant demonstré qu’ils avoient une exemption de Son Eminence, laquelle ils luy representèrent et l’ayant prié de les traiter aussi favorablement qu’avoit faict le sieur de St-Pol, cappitaine au même régiment, huict jours ou environ auparavant, lequel se seroit départi après avoir veu ladicte exemption de loger dans ladicte ville, mesme deux pères religieux réformés de l’abbaye de ladite ville, ayant joinct leurs prières avec celles desdicts habitans pour le mesme subject, il sortit et se retira de ladicte ville avec ses soldats, lesquels il fit filer du costé de St-Badel, dont luy depposant estant adverty, il courut après luy à course de cheval et l’attrappa aux fauxbourgs de Nostre-Dame de ladicte ville de la Chaise-Dieu et luy ayant ledict cappitaine demandé s’il tenoit le chemin de Dore l’Église, il luy avoit faict répondre que non et qu’il tiroit droit dans le chemin de St-Badel qui appartenoit à ladicte dame d’Alègre. Sur quoy ledict capitaine l’avoit prié de le mettre dans le chemin de Dore, disant qu’il avoit appris à la Chaise-Dieu que c’estoit le chemin qu’avoit tenu le sieur de St-Pol, cappitaine au régiment des gardes, et auroit passé depuis peu de jours, conduisant la recreue de sa compagnie ; et après que luy depposant eut dict audict cappitaine que n’estoit dans le chemin de Dore, il rappella ses soldats et, ayant rencontré un paysan, l’auroit pris pour guide pour aller du costé dudict Dore, et luy depposant pris congé de lui et se retira. Ne scait ce qu’est arrivé audict lieu de Dore, bien a ouy dire plusieurs et différentes choses sur le faict dudict logement sans scavoir rien de cer-