Page:Sermon joyeux d’un depucelleur de nourrices.djvu/9

9

Ha ! dict-elle ie ſens ſi mal
Que ie ne puis icy durer,
Mais ie veux en eſpecial
Ung peu votre faict aſſeurer,
Si me voulez icy iurer
Que vous me tiendrez feaulte
Ceſte nuict ſans plus endurer
Noſtre faict ſeroit appoincte :
Or dis-ie par ma loyaulté,
Ie ſeray ſecret & couvert.
Or bien doncques ſur ce troycet
Ie vous laiſſeray l’huys ouvert,
Ie m’en voys, ie porte le vert,
Ie m’accouſtre, ie me tiens friſque,
I’ay le cul auſſi deſcouvert
Comme un danſeur de moriſque,
I’armes le poil, ie m’eſtricque,
Ie tracaſſe, rien ne me nuiſt,
Mais i’euz le plus beau coup de bricque
Ie vous le compteray ennuyſt
Quant ce vint entre ſept & huict,
Ie m’en vins à l’luys de derriere,
Et ie ſens le verroul qui nuyſt
Tour à travers de la barriere :
Ha ſe fis-ie, faulce loudiere
Vous m’avez ioué de la fue,
Et ie m’en voys un peu arriere,