Cette page a été validée par deux contributeurs.
SONNET.
Pour auoir adoré voz beautez inhumaines
Et aymé plus que dieu voz yeux trop rigoureux,
Ie souffrirai l’enfer idolatre amoureux,
Et vous aurez l’enfer comme autheur de mes geines.
Ma veüe doublera dedans l’enfer voz peines,
Et moi vous y voyant je ſerai bien-heureux,
Treuuant vn Paradis dans l’Enfer mal-heuveux,
Le prix de mes Amours ſera prix de voz haines,
Mais d’autant que le mal ſe diſſoult par le bien,
Mon Paradis vaincra mon horrible lien,
Et ie n’auray tourment qu’en voz tourments Madame.
Que ſi mon Paradis me rauit ce tourment,
I’aime mieux mon Enfer que viure heureuſement,
Priué du ſentiment des maux qu’aura voſtre ame.
A. D. V.
