Cette page a été validée par deux contributeurs.
A MONSIEVR RICHELET.
Sur l’Ombre de ſa Belette.
A peine ai-ie clos ma paupiere,
Dompté d’Amour & du mal-heur,
Et tu te vas donnant carriere,
Helas ! recule toi arriere,
De peur d’eſueiller ma douleur.
Sorciere aimee de mes geines,
Belette mon doux reconfort,
Tu accompagnes bien mes peines,
Mais tu n’as pas dedans tes veines
Comme moi l’autheur de ta mort,
Helas ! tu follaſtres ſans ceſſe
Courant d’vn or’ d’autre coſté,
Et moi ie croupis en triſteſſe
Auſſi conſtant en ma deſtreſſe
Que ma belle en ſa cruauté.
Ta petite dent iuoirine
Eſtreint mignardement mes dois,
Quand tu contrefais la mutine :
Mais l’Amour ronge ma poictrine
Lorsmeſme qu’il m’eſt plus courtois.
Mignonne quand la ſoif te preſſe,
