Cette page a été validée par deux contributeurs.
SONNET.
Vn iour mon beau soleil miroit ſa treſſe blonde,
Aux rais du grand Soleil qui n’a point de pareil :
Le grand Soleil auſſi miroit ſon teint vermeil,
Au Ray de mon Soleil que nul ray ne ſeconde :
Mon Soleil au Soleil estoit Soleil & onde :
Le grand Soleil eſtoit son onde et ſon Soleil :
Le Soleil ſe disoit le Soleil nompareil :
Mon Soleil se disoit le ſeul Soleil du monde :
Soleils ardants laiſſez ces bruicts cententieux,
L’vn eſt Soleil en terre & l’autre luit aux Cieux ;
L’vn est Soleil des corps, l’autre Soleil de l’ame :
Mais ſi vous deſbattez, Soleils, qui de vous deux,
Eſt Soleil plus luiſant & plus puiſſant de feux,
Soleil tes iours sont nuicts comparés à Madame.
A. D. V.
