exactement. Je ne vous en diray donc, que ce qu’il eſt neceſſaire de vous en dire, pour vous apprendre toute la vie de la Princeſſe. Auſſi toſt apres que le Roy de Pont eut reçeu la nouvelle qu’il eſtoit refuſé par Ciaxare, il ne ſongea plus qu’à ſe preparer à la guerre : croyant que peut-eſtre cela obligeroit ce Prince à luy donner la Princeſſe Mandane. Il envoya donc demander ſecours au Roy de Phrigie. qui luy pro mit de joindre ſes intereſts aux ſiens : ſuivant le dernier Traitté qui avoit eſté fait entre le feu Roy de Pont & luy : & de venir meſme commander ſes Troupes en perſonne. Comme le Roy de Pont avoit beſoin de tout en cette occaſion, il convia auſſi le Prince Arſamone, & Euriclide ſon ſecond Fils, de venir ſervir dans ſon Armée ; ce qu’Arſamone n’oſa refuſer. Nous sçeuſmes en meſme temps, que ce Prince avoit eſté ſi irrité d’avoir apris, que Spitridate eſtoit venu deguiſé dans Heraclée : qu’il avoit proteſté que s’il pouvoit revenir en ſa puiſſance, il ne le traitteroit pas comme ſon Fils, mais en Sujet rebelle, & en criminel, qui a rompu ſa priſon. De ſorte que lors que Spitridate, qui s’en alla droit en Paphlagonie, m’eſcrivit auſſi bien qu’à la Princeſſe, pour sçavoir ſi elle vouloit qu’il s’allaſt hardiment offrir au Roy ſon Frere, lors qu’il ſeroit à la teſte de ſon Armée ; elle le luy deffendit : principale ment à cauſe d’Arſamone qui y devoit eſtre : & d’autant plus qu’elle avoit eu des nouvelles de la Princeſſe Ariſtée, qui luy aprenoient preciſément les veritables ſentimens d’Arſamone. Mais pendant que les preparatifs de guerre ſe font, Pharnace & Artane ne perdent point de temps aupres de la Princeſſe Araminte : & font tout ce qu’ils peuvent pour s’en faire aimer. Bien eſt il vray
Page:Scudéry - Artamène ou le Grand Cyrus, troisième partie, 1654.djvu/447
Cette page n’a pas encore été corrigée
![](http://upload.wikimedia.org/wikipedia/commons/thumb/c/c3/Scud%C3%A9ry_-_Artam%C3%A8ne_ou_le_Grand_Cyrus%2C_troisi%C3%A8me_partie%2C_1654.djvu/page447-1024px-Scud%C3%A9ry_-_Artam%C3%A8ne_ou_le_Grand_Cyrus%2C_troisi%C3%A8me_partie%2C_1654.djvu.jpg)