effets ordinaires, qui approchent de la folie, dans l’ame de perſonnes les plus ſages : & je n’y fis pas grande reflexion. Mais la Princeſſe n’eſtoit pas peu occupée : car Sinneſis avoit toujours quelque choſe à luy dire, ou pour Ariſtée, ou pour Spitridate ? Aryande l’entretenoit ſouvent auſſi, contre Spitridate & pour Pharnace : Spitridate luy parloit le plus qu’il pouvoit pour luy meſme : & Pharnace ſans oſer luy parler de luy, ne laiſſoit pas de l’entretenir de choſes indifferentes, autant qu’il luy eſtoit poſſible, afin de l’empeſcher du moins de parler aux autres. Il n’y avoit donc qu’Artane qui durant quelques jours n’oſoit meſme la regarder. Mais enfin apres avoir accompagné le Roy deux ou trois fois chez la Princeſſe, il y revint en ſuitte avec d’autres gens : & affecta d’avoir un ſi grand reſpect pour elle, qu’elle creut qu’il s’eſtoit repenty de ſa hardieſſe ; & ſe reſolut d’oublier ſon crime ; qui apres tout, Seigneur ; n’eſt pas le moins remiſſible que l’on puiſſe commettre parmy les belles & jeunes Perſonnes. Elle ſouffrit donc qu’il la reviſt : bien eſt il vray qu’elle le traitta touſjours tres froide ment. Comme les choſes eſtoient en cét eſtat, il y eut quelque remuëment ſur les frontieres de Phrigie : de ſorte qu’il falut lever des Troupes & faire une Armée, que le Prince Sinneſis commanda, Spitridate eſtant ſon Lieutenant General, ce qui faſcha extrémement le Prince Aryande qui demeura aupres du Roy, parce qu’il vouloit que ce fuſt Pharnace. Je ne m’arreſteray point à vous dire les adieux de toutes ces illuſtres Perſonnes : mais je vous diray ſeulement, que cette ſeparation lia eſtroitement l’amitié du Prince Spitridate & de la Princeſſe Araminte : & que Sinneſis auſſi s’en
Page:Scudéry - Artamène ou le Grand Cyrus, troisième partie, 1654.djvu/385
Cette page n’a pas encore été corrigée
![](http://upload.wikimedia.org/wikipedia/commons/thumb/c/c3/Scud%C3%A9ry_-_Artam%C3%A8ne_ou_le_Grand_Cyrus%2C_troisi%C3%A8me_partie%2C_1654.djvu/page385-1024px-Scud%C3%A9ry_-_Artam%C3%A8ne_ou_le_Grand_Cyrus%2C_troisi%C3%A8me_partie%2C_1654.djvu.jpg)