la Terre voyoit vos actions. Je ne pourray pas en cette rencontre, estre le spectateur de vostre courage : je ne pourray pas non plus, veut montrer par mon exemple, ce que vous aurez à faire : je ne pourray pas mesme d’abord vous exciter par ma voix : puis qu’il faut surprendre l’ennemy dans l’obscurité de la unit : & le vaincre sans qu’il ait presque loisir de se recueiller. Vous serez donc les seuls tesmoins de vostre hardiesse, & de vostre fidelité : ne pensez pourtant pas mes Compagnons, que les tenebres puissent empescher, que nostre valeur ou nostre lascheté ne soient connuës. La Victoire de nos Ennemis, deposera en general contre nous, s’ils la remportent : & je déposeray au contraire avantageusement pour vous, lors qu’à la pointe du jour, je verray vos mains victorieuses m’aporter les despoilles sanglantes des Phrigiens morts ; leurs Enseignes rompuës ; & les testes tranchées de nos Ennemis. Voila mes Compagnons, par où te connoistray si vous aurez fait vostre devoir : ce sont les marques que je vous en demande : & ce sont les marques que moy mesme je vous veux donner de ma propre valeur.
A ces mots Artamene s’estant teû, tous les Chefs & tous les Soldats leverent leurs Javelines ou leurs Espées, pour tesmoigner leur apropation ; & par un murmure bas & confus, assurerent mon Maistre qu’ils luy obeïroient exactement. Ils marcherent donc en diligence : & apres avoir pris chacun une Escharpe blanche pour se reconnoistre dans l’obscurité, ils furent à cette expedition, sans autres armes que leurs Javelines & leurs Espées : parce
