Page:Scudéry - Artamène ou le Grand Cyrus, seconde partie, 1654.djvu/454

Bithinie, où il creut pouvoir trouver un lieu de ſeureté : & en effet il ne pouvoit guere mieux choiſir. Car il eſtoit parent d’Arſamone ; & Arſamone eſtoit Ennemy du Roy d’Aſſirie, à cauſe de la Princeſſe Iſtrine, avec laquelle Mazare avoit touſjours eſté bien, du temps qu’elle eſtoit à Babilone. De plus, il faiſoit la guere à un autre Amant de Mandane, qui eſtoit le Roy de Pont : & Artamene ayant obligé Ciaxare à bailler des Troupes à ſon Ennemy, il croyoit ne pouvoir pas choiſir un Azile plus aſſuré. En ce meſme temps, il arriua à Sinope un fameux Pyrate, que l’on dit eſtre homme de qualité & de grand cœur ; qui apres avoir eſté batu de la tempeſte, venoit faire racommoder ſes Vaiſeaux. Le Roy d’Aſſirie le reçeut admirablement : & dit au Prince Mazare qu’il eſtoit ravy de cette heureuſe rencontre, parce que dés que les Vaiſſeaux du Pyrate ſeroient en eſtat de ſe remettre à la voile, il s’embarqueroit aveque luy ſuivy de ſa Flotte, & ſe mettroit ſous ſa conduite : à cauſe que c’eſtoit un homme que perſonne n’avoit jamais pû vaincre, & qui sçavoit mieux la Mer qu’aucun autre. Mazare entendant la reſolution du Roy d’Aſſirie, haſta l’execution de la ſienne, & vint trouver la Princeſſe : Madame (luy dit il, avec beaucoup de melancolie) il y a une puiſſance Souveraine à laquelle je ne puis plus reſister, qui fait que je me reſous enfin à trahir le Roy d’Aſſirie, & à vous tirer de la ſienne. Il fait deſſein de vous emmener bien toſt, c’eſt pourquoy il le faut prevenir. Je vous avois demandé du temps pour me reſoudre, ma reſolution eſt priſe ; & il y a une Galere preſte à vous recevoir dé la prochaine nuit ſi vous le voulez. Ha ! luy dit elle, Mazare, s’il eſtoit poſſible ce ſeroit dans ce meſme moment. De