nous apriſmes que la Reine Nitocris aupres avoir fait achever ſon ſuperbe Tombeau qui eſt ſur la principale Porte de Babilone, eſtoit morte en partie de la douleur que la deſobeissance, & la mauvaiſe action du Prince ſon Fils luy avoit cauſée. Ces deux accidens toucherent ſensiblement la Princeſſe : le premier, parce qu’elle eſtoit trop bien née, pour n’eſtre pas ſensible à la perte d’un Roy qui luy eſtoit ſi proche, quoy que ſon extréme vieilleſſe la deuſt conſoler : & l’autre parce qu’effectivement la vertu de la Reine Nitocris luy eſtoit touſjours un grand appuy. Car encore qu’elle ne fuſt pas aupres d’elle, il eſtoit pourtant à croire, que Philidaſpe ne porteroit jamais les choſes à une derniere extremité, tant qu’elle pourroit luy oſter le Sceptre. Nous sçeuſmes encore par une des femmes que l’on avoit de la Princeſſe, que Mazare avoit admirablement bien ſervy le Prince d’Aſſirie en cette occaſion : & que peut-eſtre ſans luy, la Reine luy auroit elle oſté ſa Couronne. Nous apriſmes auſſi que la princeſſe Iſtrine ſuivant la derniere volonté de la Reine, eſtoit partie de Babilone, le lendemain de ſa mort : pour eſtre conduite en Bithinie, où eſtoit alors le Prince Intapherne ſon Frere ; qui eſtoit allé aider à Arſamone, à reconquerir ſon Eſtat ſur le Roy de Pont : que l’on diſoit eſtre en termes de perdre ſes deux Royaumes. Cependant durant quelques jours, nous ne fuſmes point perſecutées des viſites du nouveau Roy d’Aſſirie : car comme effectivement il a de la generoſité, & de grandes qualitez, il ſentit la perte de la Reine Nitocris aſſez fortement. Neantmoins comme l’amour regnoit dans ſon ame, les premiers jours de ſon deüil eſtans paſſez, la penſée de pouvoir eſperer que
Page:Scudéry - Artamène ou le Grand Cyrus, seconde partie, 1654.djvu/377
Cette page n’a pas encore été corrigée
![](http://upload.wikimedia.org/wikipedia/commons/thumb/8/81/Scud%C3%A9ry_-_Artam%C3%A8ne_ou_le_Grand_Cyrus%2C_seconde_partie%2C_1654.djvu/page377-1024px-Scud%C3%A9ry_-_Artam%C3%A8ne_ou_le_Grand_Cyrus%2C_seconde_partie%2C_1654.djvu.jpg)