Page:Scudéry - Artamène ou le Grand Cyrus, seconde partie, 1654.djvu/322

chambre, ſans penetrer plus avant dans les choſes, & ſans attendre davantage ; furent en diligence publier qu’Artamene commençoit d’eſtre mieux aue que le Roy : & ce fut par eux qu’Artucas fut adverty de ce dont il fut advertir Hidaſpe, comme le connoiſſant fort affectionné à Artamene. Le Roy de de Phrigie qui ſe trouva apres de Ciaxarare lors qu’il reçeut ce Billet, voulant, proſiter de cette occaſion, luy dit qu’une ſi bon ne nouvelle meritoit la liberté de celuy qui la luy avoit envoyée : & Ciaxare dans les premiers momens de ſa joye, oublia une partie de ſa colere contre Artamene : & ne fut par mary d’avoir reçeu de ſa main cette nouvelle marque de ſon affection à ſon ſervice. Il s’informa exactement à Ortalque, de tout ce qu’il sçavoit, & de tout ce qu’il avoit veû : & dit à Andramias, qu’il aſſurast Artamene, qu’il ne tiendroit qu’à luy de ſortir bien toſt de ſes fers, pour aller delivrer la Princeſſe ſa fille : & qu’enfin il ne luy auroit pas plus toſt advoüé l’intelligence qu’il avoit eue avec le Roy d’Aſſirie ; & ne luy auroit pas plus toſt demandé pardon ; qu’il oblieroit le paſſé, & le remettroit au meſme eſtat qu’il eſtoit auparavant. Ha Seigneur, luy dit alors le Roy de Phrigie, que voſtre Majeſté ne s’arreſte point à une formalité inutile : car enfin je sçay preſque de certitude, qu’Artamene eſt innocent ; & que s’il a quelque choſe de ſecret à démeſler avec le Roy d’Aſſirie, ce ne peut eſtre rien contre le ſervice de voſtre Majeſté. Comme ils en eſtoient là, le Roy d’Hircanie, le Prince des Caduſiens, Gobrias, Gadate, Thraſibule, Hidaſpe, Aduſius, Thimocrate, Philocles, Artucas, Feraulas & Chriſante arriverent : & un moment apres Aglatidas entra, ſuivy d’une multitude eſtrange de perſonnes