Page:Scudéry - Artamène ou le Grand Cyrus, seconde partie, 1654.djvu/318

Joint, adjouſta Andramias, qu’il eſt à croire qu’ayant peut-eſtre beſoin de faire une nouvelle guerre, pour delivrer la Princeſſe, il ſongera, ſi je ne me trompe, à vous delivrer pluſtost qu’il n’euſt fait. Cette raiſon doit eſtre bien foible, reprit modeſtement Artamene, ayant tant de braves gens comme il en a aupres de luy : Si ce n’eſt que le zele que j’ay pour ſon ſervice, ſoit conté pour quelque choie d’extraordinaire. Mais ſi j’envoye ce Billet au Roy, Andramias n’en ſera-t’il point en peine ; & ne l’accuſera t’on point de m’avoir donné trop de liberté ? Nullement, reſpondit Aglatidas, car comme Ortalque à eſté Andramias, & que depuis il vous a ſervy ; ce n’eſt pas une choſe fort eſtrange, qu’il ait eſté reçeu en un lieu où il a deux Maiſtres : & qu’ayant reconnu cette eſcriture, vous ayez voulu donner cette agreable nouvelle au Roy, qu’Andramias luy portera de voſtre part. Artamene qui ſouhaitoit en effet d’eſtre perſuadé, ne s’oppoſa point davantage à ce que vouloit Aglatidas : & ſe faiſant donner dequoy eſcrire, il eſcrivit au Roy en ces termes.