Page:Scudéry - Artamène ou le Grand Cyrus, seconde partie, 1654.djvu/285

qui en valoient bien cinquante mille. Hidaſpe que vous voyez, eut la conduite de ce puiſſant ſecours : & Aduſius fut ſon Lieutenant General. Ciaxare, comme vous pouvez penſer, le reçeut avec beaucoup de joye : & Artamene en eut une ſi ſensible, que je ne vous la sçaurois exprimer. Cependant comme il envoyoit touſjours aux nouvelles, l’on sçeut de certitude que Creſus meneroit dix mille chevaux, & quarante mille hommes de pied Archers ou Rondeliers. Que le Roy de Phrigie auroit fix mille chevaux, & vingt mille Piquiers ou Rondeliers. Qu’Aribée envoyoit de Capadoce, quatre mille chevaux, & dix mille hommes d’Infanterie. Que Maragdus Roy d’Arrabie pretendoit avoir cinq mille chevaux. dix mille hommes de pied, & cent Chariots armez. Les Hircaniens devoient avoir auſſi cent Chariots, & quatre mille jetteurs de Fonde. Les Caduſiens huit mille hommes de pied : Les Indiens autant, & les Paphlagoniens quatre mille ſeulement. Et outre cela, le Roy d’Aſſirie avoit vingt mille chevaux, & quarante mille hommes de pied. De ſorte que de cette façon, s’eſtoit quarante cinq mille chevaux, & prés de cent cinquante mille hommes d’Infanterie, ſans les Chariots. De noſtre coſté, nous avions dix mille chevaux, & cinquante mille hommes de pied, Archers ou Rondeliers, tous Sujets naturels de Ciaxare : ſans y comprendre les Troupes que fournirent la Province des Ariſantins ; celle des Struchates, & deux autres : qui toutes quatre enſemble, firent encore dix mille chevaux, & quinze mille hommes de pied. De ſorte que ſi vous joignez à tout cela, les trente mille hommes de Perſe, les mille Homotimes, & cinq mille chevaux, & dix mille hommes d’Infanterie d’une partie de la Capadoce,