Or Seigneur, un des Gardes ayant obſervé l’heure que la Princeſſe avoit accouſtumé de ſe retirer, alla juſtement fraper à la porte de l’Anti-chambre, comme elle eſtoit preſte de ſe deſhabiller. Cette Fille qui eſtoit de l’intelligence, luy ayant ouvert la porte, fut dire à la Princeſſe qu’il y avoit un Garde qui diſoit avoir quelque choſe d’important à luy dire : la Princeſſe un peu ſurprise, commanda toutefois qu’on le fiſt entrer : Madame, luy dit il, je viens vous advertir que l’on a deſſein de vous enlever la nuit prochaine : la Princeſſe qui sçavoit qu’elleavoit eſté expoſée une autre fois à ce danger, en parut fort eſtonnée : Neantmoins apres avoir remercié cét homme, elle luy demanda comment il le sçavoit, & comment ce malheur ſe pouvoit éviter ? Pour adjouſter foy à mes paroles, luy dit il, vous n’avez qu’à vous approcher de ces feneſtres, dont je vous feray voir les grilles à moitié limées. Cette ſage Princeſſe voulant donc eſtre eſclaircie de ce que cét homme luy diſoit, auparavant que de faire eſclater la choſe, s’approcha de ces feneſtres ; cette Fille qui eſtoit de l’intelligence ayant pris un flambeau pour luy eſclairer. Mais Dieux ! elle ne fut pas pluſtost aupres, que ce Garde ſecoüant fortement les grilles, les arracha : car elles avoient effectivement eſté limées auparavant. je vous laiſſe à juger, Seigneur, quelle ſurprise fut celle de la Princeſſe : elle commanda à l’inſtant meſme que l’on fiſt prendre les armes à tout le monde : mais helas, elle fut bien eſtonnée, lors qu’elle vit entrer ſix autres de ſes Gardes, qui la prenant avec violence, la mirent entre les mains de ſon Raviſſeur : qui eſtoit dans un Bateau, ſous les feneſtres de la Princeſſe, accompagné de gens armez. Mandane ſe deffendit d’
Page:Scudéry - Artamène ou le Grand Cyrus, seconde partie, 1654.djvu/266
Cette page n’a pas encore été corrigée
![](http://upload.wikimedia.org/wikipedia/commons/thumb/8/81/Scud%C3%A9ry_-_Artam%C3%A8ne_ou_le_Grand_Cyrus%2C_seconde_partie%2C_1654.djvu/page266-1024px-Scud%C3%A9ry_-_Artam%C3%A8ne_ou_le_Grand_Cyrus%2C_seconde_partie%2C_1654.djvu.jpg)