Mary, tout ſon perſecuteur qu’il avoit eſté. Comme Otane avoit eſté creu mort ſans l’eſtre, il y eut une curioſité ſi grande, de sçavoir s’il l’eſtoit effectivement, que tout le peuple le voulut voir : & à parler avec ſincerité, tous les honneſtes gens s’en reſjouïrent. Il en faut touteſfois excepter Anatiſe, Tharpis, Megabiſe, & Artemon : car encore que ce ſoit une choſe aſſez naturelle à un Amant, de ne s’affliger pas de la mort de celuy qui poſſede ſa Maiſtresse : neantmoins comme ces trois Rivaux sçavoient de certitude, qu’Aglatidas ſeroit infailliblement choiſi à leur préjudice, puis qu’il ne pouvoit plus y avoir d’obſtacle à ſon bon-heur ; ils euſſent encore mieux aimé qu’Ameſtris fuſt demeurée femme d’Otane, que de la devenir d’Aglatidas. Cependant Ameſtris agit en cette occaſion, avec ſa modeſtie & ſa ſagesse ordinaire : mais afin que Dinocrate fuſt puny de toutes ſes fourbes à la fois, , il arriva qu’eſtant venu de nuit à Ecbatane, pour prendre tout ce qu’il y avoit, avec intention de changer de demeure (car il avoit sçeu la priſon de ſon Maiſtre, lors qu’il eſtoit revenu avec les Soldats qu’il eſtoit allé lever ſecrettement) il rencontra le ſoir meſme dont Otane avoit eſté tué le matin, un Eſcuyer d’Aglatidas, qu’il avoit laiſſé pour quelque affaire ; qui l’avant reconnu à la clarté d’un flambeau qui paſſa fortuitement, fut à luy & l’attaqua : mais avec tant de vigueur, que Dinocrate fuyant ſans sçavoir ce qu’il faiſoit, vint ſe ſauver à mon Logis, où il tomba bleſſé de trois coups juſtement comme je ne faiſois que d’y r’entrer : mais encore que je le reconnuſſe bien, je ne laiſſay pas de ſouffrir que ma maiſon luy ſervist
Page:Scudéry - Artamène ou le Grand Cyrus, quatrième partie, 1654.djvu/387
Cette page n’a pas encore été corrigée
![](http://upload.wikimedia.org/wikipedia/commons/thumb/f/f2/Scud%C3%A9ry_-_Artam%C3%A8ne_ou_le_Grand_Cyrus%2C_quatri%C3%A8me_partie%2C_1654.djvu/page387-1024px-Scud%C3%A9ry_-_Artam%C3%A8ne_ou_le_Grand_Cyrus%2C_quatri%C3%A8me_partie%2C_1654.djvu.jpg)