Page:Scudéry - Artamène ou le Grand Cyrus, quatrième partie, 1654.djvu/107

recommença de traiter Arteſilas comme auparavant, c’eſt à dire avec beaucoup de rigueur. Mais comme elle avoit auſſi une extréme froideur pour Cleandre, il ne sçavoit qu’en penſer : & ne pouvoit par où trouver les voyes de ſe remettre au point où il avoit : eſté. Il la voyoit auſſi ſouvent qu’il le pouvoit : il avoit pour elle un reſpect que la ſeule condition des plus Grandes Reines du monde ne pourroit donner : & toute la ſeverité de cette Princeſſe, ne pouvoit trouver rien à redire à toutes ſes actions. Il y avoit bien quelques uns de les regards qu’elle euſt voulu ne rencontrer pas, comme elle faiſoit quelqueſfois : mais elle voyoit ſi clairement, qu’il euſt voulu luy meſme pouvoir la regarder ſans qu’elle s’en fuſt aperceuë, qu’elle ne pouvoit l’accuſer avecques juſtice. Auſſi ay-je bien sçeu par Cyleniſe, qu’elle ne le condamnoit pas rigoureuſement : & que parmi les ſouhaits qu’elle faiſoit pour ſa liberté, elle n’y m’eſtoit rien de deſobligeant pour Cleandre. Cependant divers intereſts de Creſus luy faiſant naiſtre divers ſujets de guerre contre les Epheſiens, on refit une puiſſante Armée, dont Cleandre fut Lieutenant General : car comme Abradate ne pouvoit pas s’engager, ne sçachant quand le Roy ſon Pere le r’appelleroit ; Si que l’incommodité du Prince Myrſile ne ſouffroit pas qu’il le fuſt, l’illuſtre Cleandre eut cét honneur : le Roy pour diverſes raiſons cachées, n’en voulant gratifier ny Antaleon, ny Mexaris, ny Arteſilas, qui en murmurerent eſtrangement. Mais quelque grand que fuſt cét honneur, Cleandre le ſentoit bien imparfaitement, quand il venoit à ſonger que la Princeſſe ne sçavoit point qu’il eſtoit amoureux d’elle : ou que ſi elle en ſoupçonnoit