Page:Scudéry - Artamène ou le Grand Cyrus, première partie, 1654.djvu/532

pourquoy ne voulez vous pas qu’elle s’estime aussi coupable de pouvoir cesser d’aimer, ce qu’elle devroit haïr ; qu’Aglatidas paroist criminel, de haïr ce qu’il devoit aimer eternellement ? En suitte de cela, ces deux filles se mirent à chercher ce qui pouvoit m’avoir donné la hardiesse d’accuser Amestris : Car, disoit Menaste, quelle apparence y a-t’il, que sans avoir un leger pretexte de le pouvoir faire, il ait eu cette inconsideration ? Amestris faisant quelque reflexion, sur ce que disoit Menaste, commença de luy conter ce qu’elle n’avoit point sçeu : c’est à dire la conversation qu’elle avoit euë avec Megabise. Mais, adjousta t’elle, quand Aglatidas eust esté present à la chose, il m’en auroit deû remercier au lieu de s’en pleindre : joint qu’il estoit bien esloigné d’icy : & Megabise de son costé, ayant tousjours esté en Lydie, n’a garde de le luy avoir dit. Non, adjousta Menaste, ce n’est point cela : car enfin il ne m’a point nommé Megabise : & infailliblement si c’estoit luy, il m’en auroit dit quelque chose. Ainsi il faut conclurre, que la seule honte de sa foiblesse, l’a forcé d’avoir recours à l’imposture, pour s’excuser en parlant à moy. En verité, disoit elle, ceux qui font des crimes, se punissent sans doute eux mesmes tres severement en les commettant : & si vous eussiez veû l’inquietude qu’avoit Aglatidas lors qu’il me parloit, vous n’en douteriez nullement. Ce qui m’embarrasse le plus, luy dit Amestris, c’est que lors que nous avons esté à la Province des Arisantins, nous avons entendu dire, qu’Aglatidas y a toujours paru assez melancolique, & n’y a eu aucun attachement. Or s’il n’avoit changé sa forme de vivre aveque moy, qu’à son retour à Ecbatane ; je