Page:Scudéry - Artamène ou le Grand Cyrus, cinquième partie, 1654.djvu/156

d’ouïr une reſponce ſi peu reſpectueuse, luy parla avec tant d’authorité, qu’il fut contraint de ceder ; de ſe taire ; & de ſe retirer : & je ne sçay meſme s’il ne ſeroit point ſorty de Sardis, ſi l’amour qu’il avoit pour Panthée ne l’en euſt empeſché. Cependant comme il craignit que la choſe eſclattant comme elle alloit faire infailliblement, le Prince de Claſomene ne ſe refroidiſt, il fut la luy dire luy meſme : l’aſſurant qu’il vaincroit l’obſlination du Roy, & le conjurant de ne changer pas de deſſein. Et en effet, le Prince de Claſomene croyoit voir Mexaris ſi prés du Thrône, qu’il luy promit tout ce qu’il voulut. je vous laiſſe à penſer, Madame, quelle joye fut celle de Panthée, quand elle sçeut ce qui s’eſtoit paſſé entre Creſus & Mexaris : & quel tranſport fut celuy d’Abradate, d’aprendre le malheur de ſon Rival. Comme ils ne sçavoient pas d’où leur venoit ce bonheur, ils l’attribuoient ſeulement à Creſus, qui par raiſon d’Eſtat s’oppoſoit à ce mariage : ſi bien qu’à la premiere converſation particuliere qu’Abradate eut avec Doraliſe & aveque moy, nous fuſmes plus de deux heures à ne parler d’autre choſe, & à nous en reſjouïr. Cependant Perinthe ne laiſſoit pas dans le meſme temps qu’Andramite agiſſoit contre Mexaris, d’agir en ſecret pour luy aupres du Prince de Claſomene, afin d’agir contre Abradate : ainſi voyant quelque lieu d’eſperer d’empeſcher ces deux Princes de poſſeder la Perſonne qu’il aimoit, il en parut plus gay, & redevint plus ſociable qu’il n’eſtoit quelques jours auparavant. Mexaris de ſon coſté, apres avoir eu loiſir de raiſonner ſur ce qu’il avoit à faire, fit tant qu’il ſe racommoda avec le Roy : luy faiſant eſperer qu’il ſe defferoit avec le temps, de la paſſion qu’il avoit dans l’ame : quoy qu’il euſt pourtant touſjours le deſſein d’eſpouser