Manon, ſaluez voſtre mary. Cette ſucceſſion eſt-elle grande ?
Elle eſt de vint mile frans,
Viſte, Paquier, qu’on mette le couvert.
La, la ; vous moquez-vous, rafubez voſtre bonet ; Il ſe met dans une chaiſe. entre nous autres, il ne faut point tant de freſmes ny de ſimonies. Hé ! qu’es-ce donc ? Noſtre dinſe, n’en diret que ie ne nous connoiſſiens plus. Quoy ous avez bouté en obliviance de quand ous eſquiais au Chaquiau ? Parguene alez, ous n’eſquiais qu’un petit Navet en ce tems-là, ous elles à cette heure cy eune Citroüille bian groſſe. Vramant laiſſez faire, ie penſe que guieu marcy, i’avons bian ſarmoné de vous, feu noſtre mainagere & moy. Si vous eſtet venu des cornes toutes les fois que les oreilles vous ont corné (ce que i’en dis pourtãt ce n’eſt pas que i’en parle, ce crois-je bian qu’ous en avez aſſez ſans nous) Tanquia que, ô ! donc, pour revenir à noſtre conte, ierniguoy i’eſquieſmes tous deux de meſchantes petites varmenes. I’allieſmes vreder avaux ces bois. Et y à propos, ce
