Roy Priant. O donc, ie voyagiſme ſur l’Or riant & vers la Mardy Terre Année.
Tu veux dire au contraire vers l’Orient, ſur la Méditerranée.
Hé bian ie me reprens, un var ſe reprent bian. Mais guian ſi vous panſiais que ie deuiſieſme entendre tous ces tintamares là, comme vous autres Latiniſeurs, Dame nanain : Et vous, comme guiebe déharnachez vous voſtre Philophie ? I’ariviſmes itou aux Deux Trois de Gilles le baſtard, dans la Tranſvilanie, en Bethlian de Galilene, en Harico, & pis au païs… au païs… au païs… du Beure.
Que Diable veux-tu dire, au païs du Beure ?
Oüy au païs du Beure. Tant quia que c’eſt un païs qui eſt mou comme beure, & où les gens ſont durs comme piare. Ha ! c’eſt la Graine ; hé bian les gens n’y ſont-ils pas bien durs, pis que ce ſont des Grecs ?
