Page:Satyre menippee garnier freres 1882.djvu/358

Le texte de cette page a été corrigé et est conforme au fac-similé.

XXIV - DES DOCTEURS DE L’UNION


Les docteurs de feincte Union
Pensent par leur doctrine fole,
Du manteau de religion
Faire une cape à l’espagnole.


XXV - EPITAPHE

DU CHEVALIER D’AUMALE


Celuy qui fuit, il eschappe souvent ;
Mais qui tient bon, et se met trop avant,
Souvent se perd et est troussé en male :
Je m’en rapporte au chevalier d’Aumale.
Combien qu’il eust aux mains quelque vertu,
S’il eust des pieds aussy bien combattu
A Sainct-Denis comme à mainte rencontre,
Nous ne plaindrions ici sa mal-encontre.


XXVI - AUTRE


Celuy qui gist icy fut ung hardy preneur,
Qui fit sur sainct Denys une fine entreprise :
Mais sainct Denys plus fin que cet entrepreneur
Le prit, et le tua dedans sa ville prise.