Page:Satyre menippee garnier freres 1882.djvu/293

pas qu’il ne fussent tels que vous autres Messieurs : choisis de la lie du peuple, des plus mutins et seditieux, corrompuz par argent, et tous pretendants quelque proffit parculier au change et à la nouveauté, comme vous autres Messieurs. Car je m’asseure qu’il n’y a pas un de vous qui n’ait quelque interest special et qui ne desire que les affaires demeurent en trouble ; il n’y a pas un qui n’occupe le benefice, ou l’office, ou la maison de son voisin, ou qui n’en ait pris les meubles, ou levé le revenu, ou faict quelque volerie et meurtre par vengeance, dont il craint estre recherché si la paix se faisoit. À la fin neantmoins, aprés tant de meurtres et de pauvretez, si fallut-il que tous ces mauvais reconnussent le Roy Charles septiesme, et vinssent à ses pieds demander pardon de leur rebellion, combien qu’ils l’eussent auparavant excommunié et déclaré incapable d’estre leur Roy. Comme de mesme qui ne voit et ne juge aysement, au mauvais train que nous prenons, qu’il nous en faudra faire autant, quoy qu’il larde, et que nous y serons contraincts en peu de temps par la force de la nécessité, qui n’a ni loy, ni respect, ni vergongne. deurs des communes et bonnes villes du royaume. » (Hist. de la ville de Troyes, par T. Boutiot, t. II, p. 422 et suiv. ).