rien innover en la religion des Juifs : aussy ne faict ce prince en la nostre, ains au contraire nous donne esperance de l’embrasser quelque jour, et en peu de temps. Jerusalem souffrit toute l’extremité devant que de se reconnoistre, et se reconnoissant, n’eut plus de pouvoir, et en fut empeschée par les chefs de la faction : combien avons-nous souffert avant que nous connoistre, et, aprés nos souffrances, combien avons-nous desiré de pouvoir nous rendre si n’en eussions esté empeschez par ceux qui nous tenoient soubs le joug ! Jerusalem avoit le fort d’Anthonia, le Temple et le fort de. Sion, qui bridoient le peuple et l’empeschoient de bransler ni de se plaindre : nous avons le fort de Sainct-Anthoine[1], le Temple, et le Louvre, comme un fort de Sion, qui nous servent de camorre[2] et de mords pour nous tenir et ramener à l’appetit des gouverneurs. Josephe, de mesme nation cl. religion que les Juifs, les cxhortoit de prevenir l’ire de Dieu, et leur faisoit entendre qu’eux mesmes ruinoient leurs temples, leurs sacrifices et leur religion, pour laquelle ils disoient combattre ; et neantmoins n’en voulurent rien faire : nous avons eu parmy nous beaucoup de bons citoyens,
Page:Satyre menippee garnier freres 1882.djvu/287
Cette page n’a pas encore été corrigée
