et nostre argent ! Il eust forcé quelques femmes et filles, encore eust-il espargné les plus notables et celles qui eussent peu garantir leur pudicité par respect ou par amis. Mais, depuis, elles se sont mises au bourdeau d’elles- mêmes, et y sont encore par la force de la necessité, qui est plus violente et de plus longue infamie que la force transitoire du soldat, qui se dissimule et ensevelit incontinant ; au lieu que ceste-cy se divulgue, se continue, et se rend à la fin en coustume effrontée, sans retour[1]. Nos reliques seroient entieres, les anciens joyaux de la Couronne de nos Roys ne seroient pas fonduz comme il sont ; nos fauxbourgs seroient en leur estre, et habitez comme ils estoient, au lieu qu’ils sont ruinez, desert et abatuz ; nostre ville seroit riche, opulente et peuplée, comme elle estoit ; nos rentes de l’Hostel-de-Ville nous seroient payées, au lieu que vous en tirez la mouelle et le plus clair denier ! Nos fermes des champs seroient labourées, et en recevrions le revenu, au lieu qu’elles sont abandonnées, desertes et en friche. Nous n’aurions pas veu mourir cent mille personnes de faim, d’ennuy et de pauvreté, qui sont morts en trois mois, par
- ↑ Pendant le siège de Paris les femmes vendirent leurs bijoux pour du pain, et plusieurs, tellement la misère était grande, se prostituèrent pour ne pas mourir de faim.
