Jesuites et à son Prieur, qui passoient bien plus oultre et ne lui promettoient rien moins qu’une place en Paradis au dessus des Àpostres, s’il advenoit qu’il y fust martyrisé[1]. Qu’ainsy ne soit, et que ne fussiez bien adverty de tout le mystere, vous faisiez prescher le peuple, qui parloit de se rendre, qu’on eust encore patience sept ou huict jours, et qu’avant la fin de la sepmaine on verroit quelque grande chose qui nous mettroit à nostre ayse. Les prescheurs de Rouen, d’Orléans et d’Amiens le prescherent en mesme temps et en mesmes termes. Puis, sitost que votre moyne endiablé fut party, vous fistes arrester et prendre prisonniers en ceste ville plus de deux cents des principaux citoyens et autres[2], que pensiez avoir des biens, des amis, et du credit avec ceux du party du Roy, comme une precaution dont vous vous proposiez servir pour rascheter le meschant Astarot, en cas qu’il eust esté pris avant le faict ou aprés. Car,
- ↑ prétend même que l’on promit à Jacques Clément le chapeau de cardinal. La duchesse de Montpensier, sœur du duc de Mayenne, s’abandonna à ce jeune moine ; quant au Prieur des Jacobins, Edme Bourgoing, il l’encouragea au meurtre, et lui fit en effet la promesse ci-dessus.
- ↑ s prisonniers étaient des otages qui devaient répondre de la vie de Jacques Clément. Mais l’assassin ayant été massacré à l’instant même du crime, les prisonniers, désormais inutiles, furent relâchés.
