Alors que pensiez estre au dessuz du vent, aprés ceste belle loy fondamentale par laquelle vous declariez le feu Cardinal de Bourbon premier Prince du sang, et le Roy de Navarre indigne de jamais succeder à la Couronne, non plus que ses cousins adherents et fauteurs d’Heretiques ’ ; voicy une bourrasque qui enleve ces deux grosses colomnes de la Foy, messieurs vos freres, l’un se disant Lieutenant generai, Grand-Maistre et Connestable de France, et l’autre, Patriarche de l’Eglise gallicane, et les jette en un gouffre de mer si profond qu’on ne les a jamais veuz ni ouys depuis2. Fut-ce pas un grand coup du Ciel et un merveilleux jugement de Dieu, que ceux qui pensoient tenir leur Maistre à la chaisne, et faisoient leur compte de l’amener dedans trois jours, par force ou autrement, dedans ceste ville pour le faire tondre en moyne et le renfermer en un cloistre, se trouverent tout à coup eux-mesme pris et renfermez par celuy qu’ils pensoient prendre ?
Aucuns ont voulu dire que vous, Monsieur le Lieutenant, estant jaloux de la grandeur et haute
[1].. Décision prise aux États de Blois, on 1588.
- ↑ Les corps du duc Henri de Guise, et de son frère le Cardinal, massacrés pendant les États, par ordre de Henri III (25 et 24 déc. 1588), furent brûlés dans une salle basse du château de Blois.
