sa timidité, ou plustot sa naturelle bonté, avec les impressions que luy donnoient sa mere et ses traistres conseillers, l’empescherent d’user de l’advantage qu’il avoit en main, faisant deffendre à ses gens de guerre de frapper ny offenser personne, et se tenir coy sans rien entreprendre ni faire effort à aucun des habitants. Qui fut cause que les mutins, reprenants cœur sur les erres de leur entreprise projettée, eurent loisir de s’armer, et de renfermer comme entre deux gauffres [1] ceux qu’ils n’osoient auparavant regarder au visage.
Et vostre frere aussy, voyant qu’on tardoit tant à le venir attaquer, et que de toutes parts lui venoient des gens en armes, que ceux du Roy laissoient librement passer parce qu’ils n’avoient point charge de prendre garde à luy, et sçachant que ceux de son party commençoient à se reconnoistre et à faire teste aux quartiers, selon l’ordre qu’on avoit auparavant projetté, de desesperé qu’il estoit, il entra en pleine asseurance et envoya ses gentilshommes destinez, par les rues et quantons, pour assister et encourager les habitants, se saisir des portes et des places ; et de sa part, aprés s’estre renforcé de bon nombre d’hommes armez qui avoient leur rendez-vous à luy,
- ↑ Ou mieux, comme la gaufre dans le gaufrier.
