refroidissants et s’ennuyants de la longueur, et la plus-part d’eux permettants que leurs enfants se fissent Catholiques pour participer aux honneurs et aux benefices comme les autres.
Mais vous et les vostres, impatients du repos, et qui aviez peu de soin de la Religion pourveu que parvinssiez à vos attentes, ne peustes souffrir ceste tranquillité, qui ne vous estoit pas saine. Vous aviez appris que la pescherie est meilleure quand l’eau est trouble ; si bien que n’eustes jamais repos que n’eussiez veu naistre celte belle journée des Barricades, qui nous a, vous et nous, ruinez. Encor qu’il soit assez notoire (et vostre frere ne le nieroit pas s’il estoit vivant, et tous ceux qui estoient de l’entreprise qui sont icy presents me le confesseront) que, si le Roy eust voulu user de son pouvoir et de son autorité, nous estions, dés ce jour-là, tous perduz[1], estant bien certain que vous fustes prevenuz et devancez de trois jours, et que le jour de l’exploict qui se devoit faire n’estoit assigné qu’au Dimanche[2]. Si
- ↑ C’est René de Villequier qui persuada au roi de donner ordre aux troupes de ne pas s’opposer aux bourgeois, et de rester dans leurs quartiers. Cette mesure intempestive laissa aux Parisiens le temps de se reconnaître, de s’organiser, et d’élever les barricades.
- ↑ L’entreprise dite des barricades eut lieu en effet plus tôt que l’on ne l’avait résolu, les ligueurs s’étant aperçus que leurs projets étaient connus.
