Après cet emprisonnement et celuy du Vidame de Chartres [1] et de quelques Conseillers du Parlement, survint la violente et miraculeuse mort du Roy, qui esleva vostre maison au souverain degré de puissance auprés du petit Roy François, et, par le contraire, recula et abatit presque du tout celle de monsieur le Connestable et de tous ceux qui luy appartenoient. Et ce fut lors que les siens, desesperez de moyens ordinaires, parce que tout bransloit soubs la faveur des vostres, se joignirent de secrettes intelligences avec les Lutheriens, ça et là escartez par divers coings du Royaume. Et, combien qu’ils eussent encore peu de creance avec eux, qui leur estoit gens incongneuz, et n’ayant participé ni à Cene, ni à Synode ou Consistoire, neantmoins, par le moyen de leurs agents bien entenduz és secrets, ils firent ceste memorable entreprise d’Amboise, et assemblerent de tous les quartiers du monde, avec un silence merveilleux, une telle force de gens qu’ils furent prests à jour nommé, de faire un cruelle execution sur tous les vostres, soubs ce pretexte de delivrer le Roy de la captivité où vostre pere et vos oncles le tenoient [2]. Mais les bonnes gens ne se peurent garder
Page:Satyre menippee garnier freres 1882.djvu/227
Le texte de cette page a été corrigé et est conforme au fac-similé.
![](http://upload.wikimedia.org/wikipedia/commons/thumb/0/0d/Satyre_menippee_garnier_freres_1882.djvu/page227-1024px-Satyre_menippee_garnier_freres_1882.djvu.jpg)