n’y avoit plus moyen de reprendre son theme, cria le plus haut qu’il peut : Messieurs, Messieurs, je vois bien que nous sommes à la Cour du Roy Petault, où chacun est maistre ; je le vous quitte ; qu’un autre parle. J’ay dit.
Et là. dessus se rassied en grommelant et s’essuyant le front, et luy eschapperent, à ce qu’on dict, quelques rots odoriferants de l’estommac, qui sentoyent le parfum de sa colere, avec des paroles en basse notte, se plaignant qu’on avoit fraudé l’assignation envoyée d’Espagne pour les Docteurs, et que d’autres en avoient faict leur profîct ; mais que ce seroit l’or de Tholoze, qui leur cousteroit bien cher[1].
Enfin la rumeur commençant un peu à se racoiser, Monsieur de Rieux le jeune[2], comte et gardien de Pierre-Font, deputé pour la noblesse de France, habillé d’un petit capot à l’Espagnole et une haute