vostre sœur disoit avoir penduz à sa ceinture pour faire la couronne monachale de feu Henry de Valois[1] ; vous ne m’en demandez ne foy ne serment, mais je suis de cet advis. Je ne parleray point icy de Monsieur de Nemours, vostre fr ere uterin (les Politiques disent adulterin) : cestuy-là a faict caca en nos paniers ; il a ses desseings à part, et ressemble Picrocole, qui, par discours bien raisonnez, se faict monarque du monde pied à pied[2]. S’il peut gouverner le roy des bestes[3] comme il a faict la nef de Paris[4], je diray qu’il sçaura plus faire que maistre Mousche : ces animaux mescognoissent quelquefois leurs gouverneurs, mesmement s’ils changent d’habit. Il ne sera pas mal partagé s’il parvient à ses pretentions ; à quoi vous, Monsieur le Lieutenant, et Monsieur de Lyon, luy ferez, je croy, de bons offices.
Somme toute, Messieurs, vous estes trop de chiens à ronger un os. Vous estes jaloux et envieux les uns
- ↑ duchesse de Montpensier, sœur du duc de Mayenne, portait à sa ceinture une paire de ciseaux destinés, disait-elle, à couper les cheveux du roi Henri III pour le faire moine.
- ↑ Rabelais, l. I, c. XXXIII.
- ↑ La ville de Lyon, qu’il ne put gouverner puisque les habitants le firent prisonnier.
- ↑ Les armes de Paris portent une nef ou navire d’argent. Le duc de Nemours avait été gouverneur de Paris en 1590.
