Le texte de cette page a été corrigé et est conforme au fac-similé.
Car ce seul bien qui tant en toy consiste,
D’aultant en toy accroit perfection,
Que l’ingrat Monde à la Vertu resiste.
P. D. Marillac,
Aux Dames,
De la Beringue de S. Marthe.
Catulle, Ovide, et aultres demidieux,
Entre les Dieux immortelz prindrent place,
Pour y loger celles qu’ilz aymoyent mieulx:
Dont encor vit leur Nom, Beaulté, et Grace.
L’auteur present, suivant d’iceulx la trace,
Rend par ses Vers, immortelle s'Amye.
Dames d’Honneur, ayez donc ceste envie,
D’estre aux Sçavants devottes desormais:
Et n’espargnez leur soubstenir la Vie,
Veu que, par eulx, vous vivez à jamais.
Exupere de Claveyson, Seigneur
de Parnans. à son frere
S. Marthe.
Ne cuidde pas, que ce Dizain te mande,
En l'estimant estre bon ou perfaict:
Je ne le fays, que, pour à ta demande,
Selon mon sens rudde, avoir satisfait:
