Si tu me dy, que moymesme je rithme,
Certes aussi point ne t’en desanime,
Pourveu, qu’apres labeur de grand’ durée,
Soit seulement l’Esprit qui se recrée.
Estienne Dolet,
A S. Marthe.
Je sçay tresbien, que Nature la sage,
Quant aux Auteurs Grecs, Hebrieux, et Rommains,
A faict plusieurs excellents chefs d’ouvraige:
Comme est Vergile, Homere, et aultres maincts:
Mais celle mesme a mis entre tes mains
Ung style tel, touchant nostre parler,
(Parler Françoys, plaisant à touts humains)
Que jusqu'au Ciel on veoit ton loz aller.
Maurice Sceve,
A S. Marthe.
Si le bienfaict des supremes largesses,
Pouvoit d'un poinct l'Homme deifier,
Tu te debvrois aux humaines promesses
Plus par debvoir, que pour l'avoir, fier.
Mais cognoissant, que leur gratifier,
Et, tant au Nom, qu’au Corps, infection:
Conseilleras à ta profession.
