sur à, ou é: car sont mis, ou omis, par l’incurie de
ceulx, qui plus s'arrestent: à leur coustume, que au ju-
gement. Tu pourras aussi redarguer, que en la ryth-
me, te semble ne faire deue observation des termina-
tions: comme rythmant, tant et tent: ance et ence:
ante, ente: aistre, estre: aire, ere: ange, enge: cer, ser:
ouse, ose: né, n’ay: et semblables. Mais je te pry, ne t'ad-
vancer à m’en reprendre, jusques à ce, qu’auras sceu ma
fantaisie. Je n’observe aussi la termination des premieres
perſonnes des verbes: comme dys, dy, veois, veoy, et
semblables: m’accommodant au commun usaige, jusqu’à ce,
que plus amplement en ays traicté en mon Livre de la
conjunction des quatre Langues, lequel je te prepare.
Ce pendant (Lecteur) je te pry, le tout excuser, et
prendre en gré. dieu soit directeur de tes voyes.
Page:Sainte-Marthe - La poésie françoise de Charles de Saincte-Marthe, 1540.pdf/226
Le texte de cette page n’a pas pu être entièrement corrigé, à cause d’un problème décrit en page de discussion.
Fin du tiers Livre.
