Prenant en gré, tant le mal, que le bien,
Te soubmettant du tout, le desir sien.
Elle cognoist (oultre plus) ta coustume,
C’est d’envoyer douleur, peine, amertume,
Et plus souvent deffault de tous grands biens,
A ceulx qui sont marqués pour estre tiens.
Et par ce, moins luy est dure la peine,
Elle vouldroit toutefoy, estre saine.
Entends icy ton humble Serviteur,
Et que ta Grâce, à la Fiebvre commande,
Qu'incontinent sa grand' douleur amande,
Voire soubdain qu'elle sorte dehors,
Ou si tousjours veult tourmenter son Corps,
Déliberant n’en faire départie ,
A une Dame ingrate,
Pour un Gentilhomme, prenant
congé d’elle.
IL me desplaist, Madame, que mon Sort
M'a de mes fins, reculé si tresfort,
Que plus j'ay pris à le poursuivre peine,
Plus a esté toute poursuite vaine.
Il me desplaist (dy je) que suis contrainct,
Vous declarer le mal, qui tant m'estrainct
