Mais faictes tant? que si aulcun mesdit
D’elle, de bouche, ou d'escript, qu’il soit dit,
Que ce n’est pas pour sa maulvaise vie,
Mais seulement proccedder d’une Envie.
A iesuchrist,
Supplication pour obtenir guarison
à Madamoiselle Beringue,
estant malade des
Fiebvres.
OEsculape, ò dieu de Medicine,
Souverain dieu ,tresexpert et insigne,
Pour tout grand mal de nos Corps des-
chasser,
Et en santé tout vray bien pourchasser,
Ò d’Apollon seul, et eternel Filx,
Aux langoureux pour refuge prefix.
Filx d’Apollon, largiteur de lumiere,
Et composeur de la forme premiere
De tout le Monde, en qui tous nous vivons,
Et de qui bien (par ton moyen) avons.
Filx d’une Vierge, en tout immaculée,
Pour nettoyer Nature maculée .
Ò bon iesus, qui les tumbés raddresses,
Les fourvoyés au plus seur chemin dresses,
Qui tout salut haultement as promis,
A qui (par Foy) à son Cueur en toy mis.
