Soubdain aussi faisons inimitié.
Soubdain disons de nostre Amy louenge,
Et puis soubdain ce propos la nous change.
Et (qui pis est) quand aulcun entre nous
En quelque chose est excellent sur tous,
Ou nous debvrions en consent unanime,
le favorir, et tenir en estime:
Si vers le Prince aulcun credit avons,
Le reculons le plus que nous pouvons:
Ou nous taschons, par trop sotte escripture,
faire son Nom et sa louenge obscure,
Ce que nous sert de bien peu, car souvent,
Tous nos efforts ne deviennent que Vent.
Je m’en rapporte aux Oeuvres des modernes,
Mais ilz n'ont peu trouver aultre argument,
Que l'on vous fait. Fault il que la Nature
D’une tant belle, et noble Nation,
Soit corrumpue en altercation?
Et qu'elle soit en icelle maniere,
(A vostre grand opprobre) la derniere?
Esveillez vous, regardez vostre honneur,
Gentils Françoys, prenez vostre franc Cueur,
Ne permettez que la tresnoble France,
