Page:Sainte-Marthe - La poésie françoise de Charles de Saincte-Marthe, 1540.pdf/181

Sans que tu ays sçavoir premierement ?
Sans que tu ays de l'art la cognoissance,
Et tant dehors que dedans, jouyssance ?
Car c'est bien peu en l'Esprit l'imprimer,
Si tu ne scays par escript l'exprimer.

Quelcun pourra Paintre de nom se faindre,

Mais s'il ne peut aulcune imaige paindre,
Ou la paignant, s'il n'accommode point.
Ainsy qu'il fault, les couleurs à leur poinct:
Le debvons nous mainctre penser ou dire?
Rien n'est aussi, en quelque Langue escrire,
Sans y avoir des mots variété,
Et en user en peur proprieté.
Il faut avoir avecques cest usaige,
Bon jugement, et doulceur de langage,
Y adjouxtant (pour la perfection)

Ordre d'accents, et punctuation.

Cecy n'est rien, ainsy comme nous semble,

Mais le tout veu, et amassé ensemble,
Est à la fin, trouvé de si hault faict,
Que l'on n'y veoit aulcun estre perfaict,
Et bien souvent, ceulx que plus on estime,
D'avoir l'escript, et la Langue sublime,
Et emporter par dessus tous, le pris,

En ce cas là, les premiers sont surpris.

Parquoy, Françoys, si dans ton Cueur tu aymes
Ta nation, ton honneur, et toy mesmes,