Le texte de cette page a été corrigé et est conforme au fac-similé.
Iris apres, se presente en la rue,
Laquelle fait des jugements divers:
Et puis, survient cest Ange tant pervers,
Qui crie hommage à la teste crestée:
Les Bigarrés, regardants de travers,
On Astrea au chemin arrestée.
A aulcuns de ses parents.
Si ne trouvez vos Noms, dedans mon Livre,
N’estimez point que se soit pour mespris:
Sans mes labeurs vous pouves assés vivre,
De me passer des vostres, j'ay apris.
Je ne pourray en rien estre repris,
Si je vous fay ainfi que vous me faictes.
De paour qu’on soit à l’impourveu surpris,
Vous ressembleant, je cerche mes deffaittes
A un quidam, qui ſe disoit
homme de bien.
Tu te fais tant homme de bien,
Si ainsi est, n’est peu de chose:
Ce neautmoins je n'en croy rien,
Quoy que ton Cerveau te propose:
Car le sainct Evangile expose,
