Le texte de cette page a été corrigé et est conforme au fac-similé.
Louables faicts, faicts saincts et immortels,
Faicts, pour servir à tous, d'evident signe,
Bon fruict sortir, d’une bonne racine.
A un superbe,
Detracteur.
FUreur vient apres pacience,
Il n'est si nette conscience,
Qui peust de courroux s'abstenir,
Veoyant un tel Badault venir,
un Asne sans litterature,
Parler d’aultruy à l'adventure?
Et non parler tant seulement,
Mais blasmer oultrageuseument
Escript, où il n'y entend notte.
Tu sçays, Badault, que je te note,
Et si mieulx je te cognoissois,
Tu sentirois (qui que tu sois)
Quand ce vient à donner réplique,
Mes escripts ne te plaisent point,
Et par ce , ta langue me poingt:
Mais j'ayme mieulx qu’ilz te depsaisent,
Que tu les loues, et te plaisent.
Souvent quand blasmer nous cuiddons,
