Le texte de cette page a été corrigé et est conforme au fac-similé.
Qu'il est si vif et le boys sec n'y ard?
Embrasé suis, bruslant du seul regard,
Le bois n'est il comme moy corporel?
Non (dist Venus) il n’est feu naturel:
Velà pourquoy n’a d’apparente flame.
Aussi dans toy n’est il materiel,
Ce n’est ton Corps qui brusle, mais ton Ame.
A Jean Ferron, pourquoy
n’a respondu à ses
adverfaires.
On s'esbahist, que je n'ay respondu
Par mes escripts, à tous mes Envieux:
Et je responds, que Dieu a deffendu
Pour se venger, dicts contumelieux.
Quand l’eust permis, encores j'ayme mieulx
Ne faire d’eulx aulcune mention:
Et en celà, c'est mon intention,
Les mesprisant, maintenir ma coustume.
Je sens aussi, que telle nation,
Est en tout cas, indigne de ma plume.
A Gabriel de Ponthoife.
Demorgogon monté sur sa charrue,
Qui fait aller le Monde de travers,