Le texte de cette page a été corrigé et est conforme au fac-similé.
Cessant le Bien l'Amytié cessera.
Au Seigneur de Parnans
Qu’au bien d’Amour, rien n'est plus
nuysant, que jouyssance.
Rien n’est plus cher que cela qu’on desire,
Car moins on l’a, plus on y est ardent:
Lors qu’on ne peut à son soubhait souffire,
Le desir croist plus fort en attendant.
Quiconques est de jouir pretendant,
Par un espoir à demy se contente:
Mais s'il advient que Fortune, presente
Contentement de la joye incogneue:
En jouissant du fruict de son attente,
Le desir cesse, et l'Amour diminue.
A Marot.
d’un sien Valet, qui l'avoit desrobé
Ton Serviteur le mien avoit apris,
Ou tous deux ont esté a une Escholle.
J’y ay esté, comme toy, si bien pris,
Qu’il ne m’est pas demeuré une obolle.
Le tient estoit de faict, et de Parolle,
Un vray Gascon. Si le mien ne l’estoit,
A tout le moins, bonne mine portoit,
