Le texte de cette page a été corrigé et est conforme au fac-similé.
A Madame la Duchesse
d’Estampes,
luy presentant ses Oeuvres.
Ma Muse fut un long temps sans adveu,
Et ne scavoit qui choisir pour Maistresse:
Mais maintenant, elle a fait un grand voeu,
Que serviroit la perfaicte Duchesse.
C'est vous sans aultre, à qui prend son addresse,
C'est vous à qui aulcun support demande:
Vers vous s'en và, ò illustre Princesse.
Treshumblement je la vous recommande.
A Madamoiselle de Nuilly,
Que c'est d'Amour.
Fut il jamais Homme, qui eust le don
De veoir Venus, que tousjours nue on painct?
Ou son enfant vollagé, Cupidon,
Tenant en main un Arc que tant on craint?
Doncques pourquoy esse, qu’ainsi l'on fainct
Une venus. & son Filx aupres d’elle?
Veu que l'Amour, n’est chose corporelle,
Pour estre veue ou touchée de l’homme.
Donc qu’est ce Amour? (me direz vous la belle)
Un feu secret, qui sans touche consomme.
