S’elle euſt ſceu le bien, & le mal !
Combien d’hommes eurent enuie
Sur elle, & ſon eureuſe vie !
Et euſſent pour y parvenir
Voulu Belette devenir.
Mais quoy ? il eſt fol qui eſpere
Veoir choſe entierement proſpere,
Et qui penſe avant ſon treſpas
Eſtre heureux, ou ne l’eſtre pas.
Cefte Belette heureuſe en ſomme
Mourut, or ie vous diray comme.
Vn Fouin qui de longe main
Voioit ce traictement humain
Eut enuie, & mit en ſa teſte
De tuer la petite beſte :
Si vint de nuict, & par ſurprinſe
Executa ſon entreprinſe,
D’ond cheſcun mena ſi grand dueil
Qu’on verſa mainctes larmes d’œil.
Mais ſur tous ſa bonne maiſtreſſe
Sentit grande peine, & detreſſe,
Et chargea grandement Muguet
D’ond il n’avoit faict meilleur guet.
Lors diſpoſa tous ſes valetz
A tendre cent lacqs, & colletz
Tous coniurez à la ruine
De la malheureuſe Fouine :
Et pour ſon dernier deſconfort
Elle ha faict mettre le corps mort
Page:Saint-Gelais - Oeuvres de luy tant en composition que translation ou allusion aux auteurs grecs et latins, 1547.djvu/6
Cette page a été validée par deux contributeurs.
5
de la belette.
