Page:Saint-Gelais - Oeuvres de luy tant en composition que translation ou allusion aux auteurs grecs et latins, 1547.djvu/16

Le texte de cette page a été corrigé et est conforme au fac-similé.
15
ENIGME


La paour du changement
Me cauſe ſe tourment.

Enigme.




LE grand vainqueur des haulx mons de Carthaige.
Accompaigné de quatre fins valetz,
Vint l’autre jour demander ſon partaige
Tout raiſibus des portes de Chalais,
Et demanda à Jean du PontAlais,
S’il y avoit des dens de Megera :
Ouy (dictil) & le coq du Palais
Vous ha mandé que bien toſt neigera.
Le clair ſoleil venant des Machabées
Eſclarciſſoit le païs tout au tour,
Vous euſsiez veu ſur grands mules baſtées
Venir aux champs mille dames d’atour :
Mais Scipion penſant de ſon retour
Feit publier qu’on demandaſt au Pape
S’il vouldroit point leur faire ce bon tour
De luy preſter ſon haulmuſſe, ou ſa chappe.
Tous y couroient fors que les Heliades
Qui s’amuſoient ce me ſemble à peſcher :
On leur manda par pluſieurs ambaſſades
Que de venir ſe falloit depeſcher,
Du different des ratz, & des grenoilles,
Et ſi veult on tout le monde empeſcher
De les fournir de fuſeaux, & quenoilles.
Sur