N’eſt amy de raiſon.
Si femme en ma preſence
Aultre vous entretient,
Amour veult que je penſe
Que cela n’appartient :
Car luy, & longue foy
Vous doibvent tous à moy.
Quand par bonne fortune
Serez mien de tout poinct
Lors parlez à cheſcune
Il ne m’en chauldra point :
Je vous pry ce pendant
N’eſtre ailleurs prétendant.
Pour vous ſeul je confeſſe
Mon cœur eſtre tranſi,
Si j’eſtois grand’princeſſe
Je dirois tout ainſi :
Si le voſtre ainſi faict
Monſtrez le par effect.
Vous ſemble que la veuë
Soit aſſez entre amis,
Je ne me ſens pourveuë
Du bien qu’on m’ha promos :
C’eſt trop peu que des yeulx
Amour veult avoir mieulx.
Que me ſert que je ſoye
Avecque Prince, ou Roy,
Et qu’ailleurs je vous voye
Sans approcher de moy ?
La
Page:Saint-Gelais - Oeuvres de luy tant en composition que translation ou allusion aux auteurs grecs et latins, 1547.djvu/15
Le texte de cette page a été corrigé et est conforme au fac-similé.
14
COMPLAINCTE
