Le texte de cette page a été corrigé et est conforme au fac-similé.
12
COMPLAINCTE DU LOYAL AMANT.
S’en va paſſant comme ſonge ou fumée
Et ma douleur eſt ſeule permanente?
Helas mon Dieu, amie trop aimée
Voyez vous point à mon dueil importable
Voſtre grand tort & foy peu eſtimée.
Helas mon Dieu amitié perdurable
D’ingrat oubly eſt trop récompensée
J’en ay la peine & l’aultre en eſt coulpable.
Helas mon Dieu qui ſavez ma pensée
Soyez content que d’elle je m’eſrange
Mettant à fin l’œuvre mal commencée.
Helas mon Dieu ſi mon cœur ne la change
Faictes au moins que mon œil mieulx ſe garde
De la chercher & que plus ne s’y renge.
Helas mon Dieu ſi ma mort tant luy tarde
Ordonnez luy qu’apres ma ſepulture
Tard repentie elle entende & regarde
Que mieulx ma foy que ſa cruaulté dure.
