Page:Saint-Amant - Œuvres complètes, Livet, 1855, volume 1.djvu/229

Le texte de cette page a été corrigé et est conforme au fac-similé.


De là sont derivez tant de rouges museaux,
Qui d’un gosier ardent, que rien ne desaltere,
S’occupent sans relasche au bacchique mystere ;
L’air, beaucoup plus en feu qu’au temps de Phaëton,
En cracha sur sa barbe aussi blanc que cotton,
Et la nuict de devant on vit avec merveille
Briller une comette en forme de bouteille,
Pour presage certain, non de mortalité,
Comme les autres sont, mais de pleine santé :
J’entens de ces santez que l’on fait à la table,
Et par qui l’homme est dit animal raisonnable.
Ce beau mignon Troyen, ce sommelier des dieux,
Avec la jeune Hebé, versant à qui mieux mieux,
Se lasserent les bras à leur remplir la coupe,
Et Jupiter en fut yvre comme une soupe.
Le grand mastin celeste en devint enragé,
Le sucre de Madere en poivre fut changé,
Les gigots de mouton en jambons de Mayence ;
La terre eut le hocquet : elle en cria vengence,
Et la nature mesme, en ardeur s’exaltant,
Se vit preste à mourir de la mort de Rolant[1] ;
Si bien qu’à mon exemple, ainsi que dit Histoire,
Par tout à gueule ouverte on demandoit à boire.

À boire ! à boire !



LA REMONSTRANCE INUTILE.


Vivante image de la mort,
Perrette à la mine de plastre,
De qui la gueule sent plus fort
Que ne fait quelque vieille emplastre,
Vous qui n’osez marcher de jour,

  1. Que la soif fit tant souffrir à Roncevaux.